புணர்வின் உச்சத்தில்

புறமண்டையில் தட்டுகிறான்
புணர்வின் உச்சத்தில்
அவளின் புருஷனா
தந்தையா
சகோதரனா
குழந்தையா
ஓடிய ஆறு உறைந்தது
பனிக்கட்டியாய்

நிறுத்திவிட்டு
திரும்பி பார்கிறேன்
அச்சத்தின் குரல்
அறைந்து சென்றது
வேகமாய் காற்றில் திறந்த
ஜன்னல் கதவாய்

தொடரத்தான் வேண்டியிருந்தது
விட்ட இடத்திலிருந்து
முடிக்க

இயல்பிழந்த நிலை

இயல்பிழந்த நிலையில்
இருக்கிறேன்
உன்னோடு
என்னை சேர்த்த காதலால்
-------
இயல்பிழந்த நிலையில்
இருக்கிறேன்
நடிக்க வேண்டிதானிருக்கிறது
அம்மாவின் பாசத்திலிருந்து
நண்பர்களின் ஆறுதலிருந்து
மற்றவர்களின் அனுதாபத்திலிருந்து
அவளின் ஏளன பார்வையிலிருந்து
மறைவாய் அழுதுதீர்த்த கண்ணீரிலிருந்து
நம்பிக்கை துரோகிகளின் போலிசிரிப்பிலிருந்து
ஊருக்கு பேசிவிட்டு உண்மையில் நடக்காத
உபதேசவான்களின் அறிவுரையிலிருந்து
தப்பிக்க

எப்பொழுதும் போலவே
சிரிக்கிறேன்
பேசுகிறேன்
எல்லாமும் செய்கிறேன்
கண்களை வற்ற செய்து

உண்மை சொன்னால் நேசிப்பாயா!?

நவீன விபச்சாரிகளுக்கு
காதலிக்க ஒருவன்
காமம் செய்ய ஒருவன்
கல்யாணத்திற்கு ஒருவன்
நான் காதல் செய்தவன்
ஒரு சுடிதார் விபச்சாரியை

ஆகவே
நன்றாக தொழில்கற்ற விபச்சாரி
யாரேனும் இருந்தால்
என்னை காதல் செய்யுங்கள்

நான் உங்களால்
காதலிக்கப் படுவதையே
விரும்புகிறேன்

என்னிடம் பணமில்லை
ஆனால்
மற்ற ஆண்களால்
உங்களுக்கு மறுக்கப்பட்டதை
நான் நிச்சயம் தருவேன்
அதை மட்டும்
நான் என் காதலுக்குரிய
தகுதியாக நினைக்கிறன்...

செர்ரி பழம்

செர்ரி பழத்தை
வெயிலில் வாட விடலாமா என்றேன்
எச்சில் தொட்டு
நாக்கால் ஈரம் செய்கிறாள்

செர்ரி பழத்தை
தடவுகிறது
உருகிய சிவப்பு சாக்லெட்
-------
செர்ரி பழத்தை சாப்பிடுகிறாள்
குழம்பிப் போகிறது நாக்கு
வித்யாசம் தெரியவில்லை
அவள் உதட்டிற்கும் பழத்திற்கும்

பற்கள் கடிக்கிறது
நாக்கையும் சேர்த்து
ஸ்ஆ......
-------
அவள் உதடுகடிக்கும்
நேரம்
செர்ரி கோவத்தில் சிவக்கிறது மேலும்
பொறாமையால்
-------
உலர்ந்த திராட்சை
உன் உதட்டு
தோல் சுருக்கம்

சிறகொடிந்த மனது

பட்டாம் பூச்சி செடியின்
கீழ் நில்
நான் ரோஜா மரத்தின் கிளையோடு
வருகிறேன் என்றான்
காத்துக் கொண்டிருக்கிறேன்
இன்னமும் வரவில்லை

நிழல் தந்த வண்ணத்துப்பூச்சி எல்லாம்
என்னைவிட்டு பறந்துபோகிறது
அவன்போன திசைபக்கமாக

இந்த வருடம் அவன்வர
வாய்ப்பிருக்கிறது
இந்நேரம் அந்தச்செடி மரமாய்
வளர்ந்திருக்கும்